- سمره تمشي وتتدلع
- وبترمي عيون
- واللي بتصيبه بيوقع
- فيها مفتون
- ==
- كحل عيونك يا سمره
- سحره فتان
- وريقك احلى من الخمره
- ونفسي بفنجان
- ولعتي بقلبي جمره
- وكان اللي كان
- ودونك هالعيشه مره
- يا احلى عيون
- ==
- يا سمره اسم الله عيونك
- حلوين كثير
- لا تزيدي علي فنونك
- بكفي تعثير
- لا تسيئي بي ظنونك
- لا تقسي كثير
- لوح رمان غصونك
- عاجبني اللون
- ==
- كلما بتمر قبالي
- قلبي بيهيم
- بتنقل مثل الغزاله
- ولفتات الريم
- وبتشغل فكري وبالي
- وبعد التقييم
- من نظرتها القتاله
- يا رب تصون
- ==
- مرت وقت العصريه
- من باب الدار
- سحرت قلبي وعينيي
- والعقل طار
- قلت لها هدي شوي
- وجسمي منهار
- قالت مستعجل هيي
- بكفيك جنون
- == محمود شبيب ==
الخميس، 6 ديسمبر 2018
سمره تمشي وتتدلع*** بقلم الشاعر محمود شبيب
الاشتراك في:
تعليقات الرسالة (Atom)
ليست هناك تعليقات:
إرسال تعليق