- زجل عامي بعنوان
- أنا ونت منكمل بعض
- .................................
- لا تغضب لا تأسى عليي
- أنا مابحب التعصيبة
- حاكيني برواق شويي
- وخلي بقلبك طيبة
- أنا حوى أنا أم اولادك
- عنك ماني غريبة
- أنا الجنة بهالكون
- وأنا منك قريبة
- ............................
- لاتعمل عنتر بالبيت
- عليي لا تشوف بحالك
- عاملني برقة وحنية
- ولا تزعجني بأفعالك
- أنا حوى جنبك يومية
- أنا إنت ومتل خيالك
- أنا إلك إمداد وعون
- بضحي بروحي كرمالك
- .............................
- أنا ونت منكمل بعض
- مافينا كبير ولا صغير
- هات إيدك خليها بإيدي
- وخلي هالمركب يسير
- خليني بقلبك أميرة
- تا تبقى بقلبي أمير
- وتا نعلي سوى بالعالي
- ونرفرف متل عصافير
- ...................................
- د . ملك محمود الأصفر
الأربعاء، 12 ديسمبر 2018
أنا ونت منكمل بعض*-*--*الشاعرة د . ملك محمود الأصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق