- صباحكم كفرعاوي
- ==
- يا كفرراعي المجد صلى لك
- عز وشموخ الدرب ضوالك
- للشعر نسماتك وحي وفنون
- وهباتها الحان موالك
- باحضان غصنك شقشق الحسون
- وشحرور عالبلوط غنالك
- بساطك ربيع يغازل الحنون
- اللي بزهره مزينه شالك
- مهد الكرز والتين والزيتون
- والزعتر الرابي على تلالك
- واللوز والرمان والليمون
- المزروع بحقولك على ذيالك
- مشتاق للبيدر وللطابون
- والعقد وبير المي رسمالك
- ابنك وفي بالمستحيل يخون
- برخص الغالي دوم كرمالك
- ترابك عطول الدهر ما بيهون
- وارواحنا يا روح فدوه لك
- يا قريتي يا محتوى ومضمون
- بيحق لك تتفاخري بحالك
- عشقي الك يا غاليه بجنون
- وجوا القلب منحوت تمثالك
- شو ما جرى وشو ما يكون يكون
- لا تتعبي ولا تشغلي بالك
- انت ترابك بالشرف معجون
- ودم الشهاده طهر جبالك
- يا قريتي انت ضبا لعيون
- لاهلك وفيهم دوم نيالك
- وقت الشدايد صرختك بتمون
- وعنك بشيلو كل احمالك
- ببعدك انا قلبي الوفي محزون
- مشتاق لك مشتاق لتلالك
- يا شامخه بعزم وابا رجالك
- === محمود شبيب ===
السبت، 29 ديسمبر 2018
يا كفرراعي المجد صلى لك*-*-----*الشاعر محمود شبيب
الاشتراك في:
تعليقات الرسالة (Atom)
ليست هناك تعليقات:
إرسال تعليق