زجل عامي ...بعنوان ...
سوريا الحلوة
..................................
من قلبي بدي نادي
سوريا الحلوة بلادي
الجيش السوري يامغوار
شوكة بحلق الأعادي
حامي العرض وحامي الدار
صامد وبقوة وإصرار
رافع راسو بهيبة وعز
وعجبينو إكليل الغار
....................
واقف بساحات المجد
وصوتو عم بيرعد رعد
تا يرفع راية سوريا
ويحمي أرضا من كل وغد
سوريا الحلوة بلادي
وفيها ح يعيشوا ولادي
والكل بروحو بيفديها
ويحميها من كل عادي
.....................
سوريا سيفك بتار
وجيشك فوق خطوط النار
عم يحمي أرضك وحدودك
مابيقبل أبدا بالعار
ماشي وبهمة أبطال
وزنودو بتهد جبال
يقلع عوسج يزرع ورد
ومحبة لكل الأجيال
....................................
د . ملك محمود الأصفر
السبت، 8 ديسمبر 2018
سوريا الحلوة .بقلم د. ملك الاصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق